सांस्कृतिक संस्थानले ५१औं वार्षिकोत्सवको अवसरमा संस्थानमा कार्यरत कलाकार तथा कर्मचारीमा निहित अतिरिक्त क्षमता उजागर गर्न विभिन्न प्रतियोगिता आयोजना गरेको छ । प्रतियोगितामा विजयी भलिबल टोलीका साथै ब्याडमिन्टन, चेस एवं क्यारेमबोर्ड प्रतियोगितामा महिला तथा पुरुषतर्फका विजयी खेलाडीलाई सभामुख देवराज घिमिरेले पुरस्कार एवं प्रमाणपत्र प्रदान गर्नुभयो ।
विजयी खेलाडीमा ब्याडमिन्टनमा महिला एकलतर्फ शवनम सिलवाल, पुरुष एकलतर्फ मिलन नेपाली, चेसमा महिलातर्फ बिना पोखरेल, पुरुषतर्फ सुदर्शन थापा विजयी हुनुभएको थियो । त्यसैगरी क्यारेमबोर्डमा पुरुषतर्फ सुदर्शन थापा र महिलातर्फ शवनम सिलवालले बाजी मार्नु भएको थियो । भलिबल प्रतियोगितामा प्रशासन शाखा विजय भएको थियो । प्रशासन टोलीको तर्फबाट पवित्रा पंगेनी र प्रेमध्वज जीसीले पुरस्कार एवं प्रमाणपत्र र ग्रहण गर्नुभएको थियो ।
भलिबल प्रतियोगितामा तीन समूहबीच प्रशासनको टोलीमा प्रेमध्वज जीसी, सुदर्शन थापा, पवित्रा पंगेनी, चक्रबहादुर श्रेष्ठ, मनीष कार्की, हरि खत्री, र सुस्मिता तामाङ हुनुहुन्थ्यो । कलाकारको टोलीमा मनोज जोशी, वीरेन्द्र हमाल, लोकराज राई, रोहित सुवेदी, नरेश प्रजापति, विपिन घिमिरे, माया थापा, सुशीला थापा र गीता थापा घिमिरे हुनुहुन्थ्यो । हल शाखाको टोलीमा पार्वती ज्ञवाली, अनुपम शर्मा, मिलन नेपाली, मनोज केसी, जसराज राई, विज्ञान सुब्बा, ओमप्रकाश बानियाँ र दीपक पौडेल हुनुहुन्थ्यो । संस्थानका महाप्रबन्धक अशोककुमार राईले विजयी एवं सहभागी सबै खेलाडीलाई धन्यवाद दिँदै खेलले हरेक व्यक्तिलाई अनुशासित र शारीरिक रूपमा तन्दुरुस्त बनाउने बताउनुभयो ।
